छवि ओझा भन्छन्- रेखाले बच्चा पाउन मान्दै मानिनन्

पाँच दाजुभाइ र तीन दिदीबहिनीमा सबैभन्दा कान्छो हुँ म । ०१८ सालमा मेरो परिवार धनकुटाबाट बसाइँ सरेर धरान झर्‍यो । ०२१ सालमा धरानको चतरालाइनम...

पाँच दाजुभाइ र तीन दिदीबहिनीमा सबैभन्दा कान्छो हुँ म । ०१८ सालमा मेरो परिवार धनकुटाबाट बसाइँ सरेर धरान झर्‍यो । ०२१ सालमा धरानको चतरालाइनमा म जन्मिएँ । बुबा खेती गर्नुहुन्थ्यो । धरान पब्लिक स्कुलबाट एसएलसी र महेन्द्र क्याम्पसबाट आइकम पास गरेँ ।

Five brothers and three sisters, I am the youngest. 018 BS, my family moved to a complaint Dharan smoothly. I am trying to BS 021 ITAHARI Dharan. Father farming communicate. SLC and Mahendra Campus Public School Dharan aikama around him.

रेखा थापालाई बिहे गर्नुअघि गीताञ्जलीपट्टकिो छोरा मसँगै थियो । रेखाकै लागि छोरा सेक्रिफाइस गरेँ । भोलिका दिनमा रेखालाई डिस्टर्ब नहोस् र उसलाई पनि आमाको कमी होला भनेर गीताञ्जलीकी दिदीलाई धर्मपुत्र बनाउन दिएँ । चारखाल अड्डामा लगेर पास नै गरिदिएँ । अनि मात्र रेखालाई बिहे गरेको हुँ ।
बिहेलगत्तै रेखालाई एउटा बच्चा जन्माऔँ भनेको थिएँ । तिमीसँगै बच्चा पनि हुर्कँदै जान्छ, पछि तिमीलाई टेन्सन पनि हुँदैन भनेर सम्झाएँ, तर मानिनन् । धेरैपटक छलफल भयो, उनले मान्दै मानिनन् ।

रेखाकी आमाले पनि ‘तँ छविसँगै बस्ने हो भने अब बच्चा पाए भइहाल्यो नि भनेर सम्झाउनुभयो । ‘मेरी छोरी तगडा भई, पैसा कमाउन थाली, पछि यो सबै छविका छोराहरूले खान्छन् भन्ने सोचेर उनले छोरीलाई बच्चा पाऊ भनेकी हुन् । तर, रेखाले इच्छा नै देखाइनन् ।


उनले इच्छा नदेखाएपछि मैले उतिवेलै भनेको थिएँ, ५० वर्षको भएपछि म बच्चाचाहिँ पाउँदिनँ । नाति-नातिना खेलाउने उमेरमा बच्चा जन्माउने रहर मलाई आएन पनि । तीन वर्षपछि नै बच्चा जन्माएको भए आज १० वर्षको भइसक्थ्यो । म त बूढो हुने थिइनँ नि । बच्चा जन्माएपछि मैले पाल्नुपर्‍यो, हुर्काउनु पनि पर्‍यो ! तैपनि रेखाले मसँग बच्चा जन्माऔँ भनेकै छैन त मैले कहाँबाट जन्माउनू ?

छुट्टएिपछि आरोप लगाउन मात्रै ‘छविले मलाई बच्चा दिएनन् भनेकी हुन् । पब्लिकको सहानुभूति पाउन मात्रै उनले मेरो दोष देखाएकी हुन् । तर, म रेखालाई कुनै आरोप लगाउँदिनँ ।

रेखालाई मसँग बस्छु भन्ने लागेकै थिएनजस्तो लाग्छ अहिले । छविसँग लङलास्टिङ बस्छु भन्ने उनलाई लागेको हुँदो हो त सुरुमै बच्चा जन्माउँथिन् । मसँग अंश माग्थिन् । कुनै पनि नारीलाई बच्चा पाउने रहर हुन्छ, तर रेखाले त्यस्तो रहर मसित कहिल्यै गरिनन् ।

अहिले सोच्दा उनी छविसँग जान्छु, सिनेमा इन्डस्ट्रीमा काम गर्छु, खुड्किलो मार्छु, त्यसपछि कुनै वेला छाडिदिन्छु भन्ने योजनासहित आएकी रहेछिन्जस्तो लाग्छ । आफ्नो घरलाई आफ्नो नसम्झिएपछि यस्ताखालका प्रश्न दिमागमा आउँदा रहेछन् ।

एउटै बेडमा सुत्थ्यौँ, तर बोलचाल हुँदैनथ्यो

हामीबीच खटपट भएपछि दुई वर्ष त बोलचालै भएन । एउटै बेडमा तीन महिना सुत्यौँ, तर एकअर्कासित बोल्दैन्थ्यौँ । मनभित्रैबाट पीडा भयो भने मान्छे बोल्दो रहेनछ । त्यसपछि उनले कोठा नै चेन्ज गरिन् । र, ६ महिना छुट्टै कोठामा बसिन् । यो मान्छे मेरो होइन, मेरो हुनै सक्दैन भन्ने लागेपछि सेक्सको चाहना पनि हुँदो रहेनछ । उनलाई के भयो थाहा भएन, मलाईचाहिँ सेक्सको चाहना नै भएन ।

उनले मेरो घरलाई आफ्नो घर सम्झिनन् भन्ने गुनासो मात्रै हो मेरो । अब रेखा र मेरो ठूलो ग्याप भो, अब जोडिन सम्भवै छैन । यो सोच्नु पनि मेरो गल्ती हुन्छ । रेखाको म राम्रो शुभचिन्तक हुँ, ऊ मेरो राम्रो साथी हो । उसले जे भन्छे, उसका लागि म जहिल्यै जे काम गर्न पनि तयार छु । अब श्रीमान्-श्रीमती हुनचाहिँ गाह्रो छ । अब म बिहे नै गर्दिनँ ।

संसारमा मान्छे एक्लै जन्मिन्छ, एक्लै मर्छ । सबैले आफ्नो लागि सोच्ने हो, रेखाले जे सोचिन्, राम्रो गरिन् । उनले मलाई तल पार्न खोजिन् भने म तल पर्न पनि तयार छु । जहिले पनि परिरहेको छु नि, मलाई के फरक पर्छ र ? मलाई थिचेर उनी माथि पुग्छिन् भने पुगून् ।

उनले जहिले-जहिले छवि ओझालाई खोज्छिन्, तब तब छवि ओझा आउँछ । तर, म आफैंचाहिँ रेखालाई बोलाउँदिनँ । रेखाको सहारा कहिल्यै खोज्ने छैन । रेखाले जहिले बोलाउँछिन्, म उपस्थित हुन्छु । रेखालाई जब जब अप्ठ्यारो पर्छ, म अगाडि उभिदिन्छु । उसलाई अप्ठ्यारो पर्ने काम म कुनै पनि गर्दिनँ । रेखाको भलो चाहन्छु ।

एक किसिमले म ठूलो प्रेमी नै हुँ । अहिले पनि रेखालाई माया गर्छु । एकदम माया गर्छु, भयंकर माया गर्छु रेखालाई । मैले जीवनमा सबैभन्दा बढी माया गरेकै रेखा थापालाई हो । अहिले पनि म त्यति नै माया गर्छु । रेखा थापा ठूलो भएको हेर्न चाहन्छु ।

ऊ सुखी होस् संसारमा, कहिल्यै दुःख नपाओस् । राम्रो मान्छेसँग हिँडोस्, ऊ माथि उठोस्, जसलाई फिल्ममा मैले ल्याएको हुँ । मेरी श्रीमती थिई हिजोका दिनमा । त्यो गौरव गर्न पाए पुग्छ मलाई ।

एक्लै भएको छु
अहिले घरमा म एक्लै बस्छु । काम गर्ने केटो थियो, आठ महिनाअघि बिहे गर्न गएको, फर्केन । राति १० बजे घर पुग्छु, बिहान ९ बजे मात्रै उठ्छु । घरमा एउटा कुकुर छ, उठेपछि त्यसलाई खाना खुवाएर निस्किहाल्छु । सँगै भएर छुट्दायाद आउँथ्यो, तर यो मेरो होइन भनेर बिस्तारै त्याग्दै गएपछि याद नआउँदो रहेछ ।

बुबा ०४१ सालमै बित्नुभयो, फुत्त जान्थेँ अनि आमालाई भेटेर हिँडिहाल्थेँ । आमासँग २० वर्षयता टीका लगाएको थिइनँ, पोहोर साल गएर टीका लगाएँ । परिवारसँग पनि म टाढा छु । आज न मसँग परिवार छ, न छोराछोरी छन्, न श्रीमती नै । म एक्लै भएको छु ।

म राम्रो छोरा हुन सकिनँ, राम्रो बाउ हुन सकिनँ, राम्रो श्रीमान् पनि हुन सकिनँ । तर, सिनेमा इन्डस्ट्रीको भने वाह भएँ । मैले सबै कुरा सिनेमालाई नै सम्झन्थेँ । सिनेमाबाहेक अन्य पेसा नै छैन । उठेदेखि नसुतेसम्म म सिनेमाकै बारेमा सोच्छु । सिनेमा नै हेर्छु, सिनेमा नै खान्छु र सिनेमामै बस्छु ।

म छोराहरूसँग बसेर रक्सी खान्छु । जेठो छोरा घर आउँछ र ‘ड्याडी आज रक्सी खाऔँ भन्छ । दुवैजना सँगै बसेर खान्छौँ अनि भयंकर गफ गर्छौँ । कान्छो छोरासँग पनि त्यस्तै छ । ऊसँग गर्लफ्रेन्डका कुरासम्म हुन्छ । बाउको जिन्दगी आफ्नो हो भन्छ ।

छोराहरूबाट म पीडित छैन । उनीहरू राम्रो छोरा भइदिए, तर म राम्रो बाउ बन्नै सकिनँ । पैसा दिनु मात्रै जिम्मेवारी होइन, उनीहरूको पालनपोषण मैले गरिनँ । तर पनि, उनीहरूले मेरो बाउ फटाहा हो भन्नेचाहिँ सोचेका छन् जस्तो मलाई लाग्दैन ।

रेखालाई सुझाब : बिहे गर
हामीसँगै हुँदा एकअर्कामा पावर थियौँ, आज त्यो पावर टुटेको छ । यस्तो वेला संयम भएर हिँड्नुपर्छ । रेखाले कन्ट्रोभर्सीमा आउने धेरै काम नगरे हुन्थ्यो । अब मै हुँ भन्ने घमन्ड छाडेर सबैसँग मिलेर जानुपर्छ । किनभने, एउटा कलाकारको आयु १० वर्षको हुन्छ, १० वर्ष बितिसक्यो रेखा थापाको । अब बिस्तारै डाउन हुने टाइम आउँदै छ ।

सधैँ एकनासको करिअर हुँदैन नि, त्यसलाई निरन्तर चलाउन अब सबैसँग मिलेर जानुपर्छ । मोटी न मोटी देखिन थालेकी छ, एक्सरसाइज गर्नुपर्‍यो । राम्राराम्रा चलचित्र खेल्दै जानुपर्‍यो । राम्रो काम गर्दै अघि बढ्नुपर्‍यो । कन्ट्रोभर्सीमा धेरै आए फाइदा हुँदैन । धेरै दुश्मनी कमाउनुहुँदैन ।

रिस भयंकर छ उनको । तुरुन्तै एक्सनमा आइहाल्छिन् र फोनमा गालीमै उत्रने गर्छिन् । यी सब कुराले उनलाई नेगेटिभ बनाउँछ । सबैसँग दुश्मनी गरेपछि कोचाहिँ पोजेटिभ हुन्छ ?

उदाएको सूर्यलाई सबैले नमस्ते गर्छ, अस्ताएको सूर्यलाई आजसम्म कसैले नमस्ते गरेको देखेको छैन । त्यसैले सधैँ मुनिबाट नै उदाउने कोसिस गर्नुपर्छ । आफू झुक्नैपर्छ ।

जिन्दगी लामो छ, रेखाले अब आफूले खोजेजस्तो केटासँग बिहे गरे राम्रो । मैले छुट्ने वेला पनि रेखालाई भनेथेँ, अब राम्रो केटा खोज, बिहे गर । बरु ल्याउनु, म राम्रो कुरा गरिदिउँला । पार्टीमा रिसेप्सनमा बसिदिउँला, बरु कार्डमै लेख न, मेरो कारणले रेखालाई कहीँ पनि नराम्रो हुँदैन ।

( बैसाख ३ गते बजारमा आउने मिरर न्यूज मासिकबाट )

कृपया हामी संग फेसबुकमा जोडिन लाइक र पोस्ट शेयर गर्नुहोस

नया भिडियोहरु

Name

Adhunik Songs,66,Amazing,2,Beauty,1,education,1,Europe,16,Fashion,9,film songs,74,Gossip news,1,Health,2,Life,1,Live Stage,9,lounge & Baar,1,movie,10,MUsic,24,music award,1,Music Vdo,1,Nepali movie,2,nepali pop,157,Recents,588,Show,25,social work,1,sports,1,Tihar Songs,5,trailers,52,पोस्टर रिलिज,1,
ltr
item
EuropeNepal.Net: छवि ओझा भन्छन्- रेखाले बच्चा पाउन मान्दै मानिनन्
छवि ओझा भन्छन्- रेखाले बच्चा पाउन मान्दै मानिनन्
http://1.bp.blogspot.com/-18n9g8fuGbU/U0z9idLS36I/AAAAAAAAKcU/giMSzbi7ibE/s1600/rekha_thapa.jpg
http://1.bp.blogspot.com/-18n9g8fuGbU/U0z9idLS36I/AAAAAAAAKcU/giMSzbi7ibE/s72-c/rekha_thapa.jpg
EuropeNepal.Net
http://www.europenepal.net/2014/04/what-chhabi-ojha-says.html
http://www.europenepal.net/
http://www.europenepal.net/
http://www.europenepal.net/2014/04/what-chhabi-ojha-says.html
true
8167775530672811383
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy